الرجاء إختيار المكونات قبل الطباعة
للكيك: نقلب الدقيق مع البيكنج بودر والكاكاو
نضرب السكر مع رشة الملح والبيض لحد مايتقل ولونه يبقى فاتح وبعدين نضيف الزيت والدقيق والفانيليا ونقلب بمعلقة خشب
نحطها ف صينية على ورقة زبدة وندخلها الفرن على 190 لمدة تلت ساعة بالظبط مش اكتر
للكريمة: نخلط الكريم شانتيه والجبنة واللبن والسكر كويس جدا لحد ماتعلى وقوامها يتقل
نضيف البسكويت المطحون ونقلب وبعدين نحط الكريمة فى كيس حلوانى
نقطع الكيك بالقطاعة الشكل اللى يعجبنا ونحطه فوق بعض طبقات وبينهم الكريمة نعمل 3 طبقات او طبقتين حسب رغبتكم
وحط ع الوش كريمة ونزينها بالفراولة وبالهنا